Գիտե՞ք, թե,,,

Երվանդ Վերջին թագավորը Արարատյան նահանգի Երասխաձոր գավառում, ուր Արաքսը և Ախուրյանը միախառնվում են, բլրի վրա կառուցում է մայրաքաղաք Երվանդաշատը: Մայրաքաղաքի տեղափոխության հիմնական պատճառը Խորենացին համարում է Արաքսի հունի փոփոխումը, որի հետևանքով քաղաքի բնակիչները զրկվել էին ջրից:

Շուտով ծագում է Արտաշեսի պատերազմը Երվանդի դեմ: Այն հրահրեց Սելևկյան Անտիոքոս Երրորդ թագավորը, որը ցանկանալով իր գերիշխանությունը վերահաստատել Փոքր Ասիայում, ջանում էր վերջ տալ Հայաստանի անկախությանը, բայց նրա հաշիվները սխալ դուրս եկան: Շուտով հաղթելով Երվանդին, Արտաշեսը Հայաստանն անկախ հռչակեց, կառուցելով հայոց նոր մայրաքաղաք:

#Մայրաքաղաքներ #Հայաստան #Գիտեքթե