Ոչ մի օր առանց բանաստեղծության

ԵՂԻՎԱՐԴ

«Օրեր»

Օրերն անդարձ, խոստըմնադրուժ ճամբորդներ են,

Որոնք նըման տէրվիշներու բոկոտ, անձայն,

Ժամանակի անծայր ճամբէն կ'անցնին կ'երթան:

Ձեռքերուն մէջն իրենց ունին թագ ու աստղեր,

Եւ շըրթներուն՝ իմաստութիւն, վիշտ ու ծիծաղ,

Մեծ իղձերու անոնք մեռելաթաղ:

Ոչինչ մընաց: Անցեալի դուռն է յաւէտ փակ:

Եւ մանկութիւնս հեռու պարտէզ կախարդական ...

Մեկնող օրեր խաբեցին զիս ու ետ չեկան:

Բայց կը սպասեմ ես տակաւին իրենց ճամբուն:

Ընդունելու խոստումն անոյշ որ կ'ուշանայ,

Մինչ երկինքը կ'ըլլայ օրուան դագաղն անհուն:

#Եղիվարդ #Պոեզիա #Ոչմիօրառանցբանաստեղծության