Ոչ մի օր առանց բանաստեղծության

ՌՈՒԶԱՆ ԱՍԱՏՐՅԱՆ

* * *

Ի՞նչ արեցիր, ի՞նչ արեցիր,

Աչքերիս մեջ գույն ցանեցիր,

Սրտիս վրա ձյուն մաղեցիր,

Ճամփաներս դարձան քարոտ,

Երազանքներս՝ ցանուցիր...

Ի՞նչ արեցիր, ի՜նչ արեցիր՝

Զուր քեզանից ինձ վանեցիր,

Մաքուր-անբիծ երազներս

Քո խև խանդով սպանեցիր.

Հավատացիր չարին, բարուն

Դու քեզանից քեզ վանեցի՜ր...

Դու քո ստվեր վանդակներով,

Թռչուններով քո ցանուցիր

Ո՞ր հարկի տակ պիտի կանգնես՝

Նորից կանչես. «Սեզա՛մ, բացվի՜ր»...

#Պոեզիա #Ոչմիօրառանցբանաստեղծության #ԶանազանԲանաստեղծություններ