Ոչ մի օր առանց բանաստեղծության

ՆԵՐՍԵՍ ԱԹԱԲԵԿՅԱՆ

* * *

Քեզ ամեն առավոտ հիշեցրո՛ւ,

որ Չարենցը մեռավ բանտում,

որ Բակունցը սպանվեց՝

վերջին ծխախոտը կիսատ,

ու Թումանյանը չհասավ Բեռլին,

և ընդհանրապես ոչ մեկը տեղ չհասավ՝

ո՛չ Մեծարենցը քսանամյա,

ո՛չ Սարյանը փառապսակ,

ո՛չ էլ Կոմիտասը սահմանազանց,

միայն Հավերժական Հրեան

(որ հայ է՝ ասում են)

ճամփին է դեռ...

Քեզ ամեն առավոտ հիշեցրո՛ւ,

որ սպասումն է հասցնում տեղ

ու քեզաչափ մի փո՛ս ընտրիր ճամփակեսին:

#Պոեզիա #Ոչմիօրառանցբանաստեղծության #ԶանազանԲանաստեղծություններ