Ոչ մի օր առանց բանաստեղծության
- Ներսեհ Ա. Ա.
- Jan 4, 2019
- 1 min read
ԱՐԱՄԱՅԻՍ ՍԱՀԱԿՅԱՆ
Պաշտպանել է պետք
Ես կողմնակիցն եմ նորածինների -
Այդ նորեկներին պաշտպանե՜լ է պետք:
Ես կողմնակիցն եմ աշակերտների -
Այդ անկարգների՜ն պաշտպանել է պետք:
Ես կողմնակիցն եմ ուսուցիչների -
Այդ «գերիների՜ն» պաշտպանել է պետք...
Ես կողմնակիցն եմ ծերունիների -
Այդ փոքրիկների՜ն պաշտպանել է պետք:
Ես կողմնակիցն եմ և հանճարների -
Այդ անճարների՜ն պաշտպանել է պետք:
Ես կողմնակիցն եմ սո՜ւրբ Հայրենիքի -
Հենց Հայրենի՛քը պաշտպանել է պետք...
留言