Ոչ մի օր առանց բանաստեղծության

ՄԵՏԱՔՍԵ

Հիշիր ինձ

Դու այս գիշեր մաքրությամբ, լույս մաքրությամբ հիշիր ինձ,

Թող արցունքներ ես դառնամ ու գլորվեմ այտերիդ,

Թող փշրվեմ ներումի, նվիրումի ճամփին քար,

Միայն թե դու այս գիշեր սուրբ մաքրությամբ հիշիր ինձ:

Դու այս գիշեր ետ մնա կարոտներից անանուն,

Թող մոմի տեղ ե՛ս այրվեմ հուշերիդ մութ խորանում,

Գիշերն իջել է ծունկի ու խոնարհված լուսնյակին,

Նահատակված իմ սիրո խաչքարերն է համբուրում...

#Ոչմիօրառանցբանաստեղծության #Պոեզիա #Մետաքսե