Ոչ մի օր առանց բանաստեղծության

ՎԱՀՐԱՄ ՀԱՃՅԱՆ

Մի վանահոր նման

Մի վանահոր նման,

Գնամ վանքում ճգնեմ,

Այս մեղավոր հոգիս,

Ամեն ինչից զրկեմ,

Վանքի խոնավ պատին,

Գմբեթներին անգամ,

Աղոթքների փոխան,

Իմ մեղքերս գրեմ:

Մի վանահոր նման,

Իմ մեղքերս քավեմ,

Ապաշխարանք դառնամ,

Եվ թողություն հայցեմ,

Տիրոջ գութը մի քիչ

Գոնե հիմա շարժեմ,

Գոնե ցավ ու կսկիծ,

Իր տիրությանն հանձնեմ:

Մի վանահոր նման,

Խենթ կրքերս զսպեմ,

Ծուռ մտքերս բառնամ,

Աղոթքներով շտկեմ,

Նախանձներս մերժեմ,

Բարությունս բանամ,

Ես ինձ ընդմիշտ հերքեմ,

Խիղճ ու աղոթք դառնամ:

#Ոչմիօրառանցբանաստեղծության #Պոեզիա #ՎահրամՀաճյան