Արամայի Սահակյան «Մի համեմատեք գրողներին»

Մի՛ համեմատեք գրողներին,

Թե ո՛վ է արդյոք ավելի մեծ:

Ամեն լավ գրող իր տե՛ղն ունի,

Ինչպես ծառերը անտառի մեջ:

Մի ծառը անտառ չի համարվում,

Բոլոր ծառե՛րն են կոչվում անտառ:

Իսկ ով մեկի՛ն է միայն սիրում,

Ուրեմն՝ հոգով աղքատ է նա:

Մի՛ հավատացեք կարծիքներին

Եվ կեղծ միֆերին առանձնապես,

Այլ հավատացեք ձեր սրտերի՛ն,

Եթե իսկապե՛ս հարգում եք ձեզ:

© Արամայիս Սահակյան