ՀՆԴԿԱՁԱՎԱՐՈՎ ՌԱԳՈՒ ԵՎ ԴԴՄԻԿՈՎ ԱՂՑԱՆ

Բուսակերների համար համեղ ընթրիք

1 սոխ 1 գազար 200 գր. հնդկաձավար 400 մլ. եռացրած ջուր 20 գր. կարագ 3 ճ.գ. ձեթ քրքում, կարմիր քաղցր բիբարի փոշի աղ, օրեգանո

ՊԱՏՐԱՍՏՄԱՆ ԵՂԱՆԱԿ

1 սոխը մանր կտրատել (կամ քերել) սոխառած անել, հենց մի փոքր կարմրի ավելացնել 1 քերած գազարը մեկ-երկու րոպե տապակել և վերցնել կրակից: Ուրիշ ամանի մեջ լցնել 20 գր. կարագ և 3 ճ.գ. ձեթ և վրան ավելացնել համեմունքները՝ քրքումը, կարմիր քաղցր աղացած պղպեղը, աղը և օրեգանոն, խառնել և ավելացնել 200 գր. լվացած հնդկաձավարը, մեկ-երկու րոպե տապակել և վրան ավելցանել գազարով ու սոխով զանգվածը, խառնել և լցնել 400 մլ. եռացրած ջուրը:

Եփել մինչև ջուրը քաշվի:

ՀՈՒՄ ԴԴՄԻԿՈՎ ԱՂՑԱՆ

1 դդմիկ (քերել կորեական աղցանի քերիչով) 1 ատամիկ սխտոր 2 ճյուղ սամիթ 1 ճ.գ. կիտրոնի հյութ 1 ճ.գ. ձեթ աղ, սև պղպեղ (իմ կողմից նաև օրեգանո )

Բոլորը խառնել ըստ հերթականության և մատուցել:

Բարի ախորժակ