Ոչ մի օր առանց բանաստեղծության

ԲԱԳՐԱՏՈՒՆԻ

* * *

Աշուն է, զով իրիկնամուտ,

Գամուած եմ ես մտքերուս հետ...

Փողոցներով օձապտոյտ

Ես կը քալեմ իմ սրտի հետ:

Արեգակն է թոյլ, անվրդով,

Խիտ մազերով գանգրահեր,

Ու ոսկեզօծ թարթիչներով

Կը փայփայէ ծառերն անտէր... :

Ոսկի սիրտեր կը թափթփին

Փայփայանքէն թարթիչներու...

Սիրտըս ինկաւ ճանապարհին,

Գնաց գրկին անուրջներու... :

Աշուն է, զով իրիկնամուտ...

Առ'ջիս դեղնած ծովին մէջ եմ...

Փողոցներով օձապտոյտ

Կորսուած սիրտըս ես կ'որոնեմ: