Ոչ մի օր առանց բանաստեղծության

ԵՂԻՎԱՐԴ

Երգ հրաժեշտի

Օրերն ոսկի մեր մանկութեան,

Օրերն անոյշ զոր ապրեցանք

Կրթարանին մէջ Թարգմանչաց,

Այլեւս երբեք ետ չեն դառնար։

Տուիք մեզի կայլակ-կայլակ

Գանձերն լեզուին մեր նախահարց,

Անոյշ գինին մեր անցեալին,

Հոգին ցեղին մեր դարաւոր։

Մնա՜ք բարով մտքի-սրտի

Մեր անմոռաց հարազատներ,

Ձեր տուածը մեր մօր կաթին

Նման քաղցր է ու հարազատ։

Մեր ձեզ տուած նեղութիւններն

Ձեր հայրական նայուածքին տակ

Կը վերածուին մաղթանքներու

Մեր մեկնումի ճամբուն վրայ։

Մնա՜ք բարով, մնա՜ք բարով։