Ռոզի Գալստյան - Փնտրտուք սուրճի մրուրում

Փնտրտուք սուրճի մրուրում

Սկսել եմ սուրճ մեծ բաժակով խմել

Ի՞սկ դա,

Դա ինչի՞ց կլինի

Երևի, որ փնտրեմ քեզ սուրճի մրուրի մեջ, Որովհետև իրականում դու կաս,

Բայց միաժամանակ՝

Չկա՛ս

Ի՞սկ դու, դու սուրճ սիրու՞մ ես

Այն էլ դառը։

Տե՛ս անտեղյակությանս չափը,

Ինձ նույնիսկ դա հայտնի չէ:

Բայց մեկ է,

Դու ինձ համար մեկ չես:

Կխմեմ սուրճը,

Հետո երկա՜ր

Շա՜տ երկար

Կփնտրեմ քեզ սուրճի այլալյված մրուրի մեջ,

Ու կստեղծեմ ի՛մ երևակայակն ու քո եղած և չեղած պատկերը:

Կնայեմ երկար,

Շա՜տ երկար

Կուզեմ սուրճի մրուրի մեջ տեսնել

Աչքերն ու հայացքը քո:

Տեսնես կստացվի՞,

Կստացվի՞

Քեզ փնտրել,

Ու գտնել՝

Գոնե

Մեծ բաժակով սուրճի մեջ.

Միգուցե ...

Երևի

Կստացվի...

© Ռոզի Գալստյան